Romero Álvarez, Jesús

Carpinteiro, sindicalista e político 51 anos. Veciño de Barzamedelle, Santo Adrao de Bieite, Leiro.

Presidente da Sociedade de Oficios Varios de Leiro.

Detido con varios veciños por mor da folga xeral revolucionaria de outubro de 1934 por “manifestarse desfavorablemente en contra del Estado”; liberados días despois.

Concelleiro de Leiro en marzo de 1936 despois do triunfo da Fronte Popular (FP).

Encarcerado.

Prendérono os franquistas despois do alzamento sedicioso de xullo de 1936.

Xulgado en consello de guerra en Ourense polo delito de auxilio á rebelión na causa 1599/37.

O tribunal militar deste xuízo condenou a cadea perpetua a Benito Veleiro Fernández; penas de 20 anos de cadea para: Luis Crispín Fernández e Antonio-Fernando González Díaz; castigaron a 12 anos e un día a Ginés Alemparte Alén; declararon fuxido a Miguel Crego Araujo. Tamén enxuizaron, entre outras persoas, a: Eugenio Collazo Álvarez, Eladio Porto Bugallo e Jesús Romero Álvarez.

Xulgado no Tribunal Militar Territorial de Ourense polo delito de auxilio á rebelión o día 21/02/1940, na causa 1073/39, co resultado de sentenza a 20 anos e un día de cadea.

Abríronlle un expediente de responsabilidades políticas en Ourense, en maio de 1940, co resultado de sanción económica. Despois do pago da multa, recuperou a libre disposición dos seus bens en maio de 1942.

Tamén o xulgaron en Ourense na causa 336/47.