Scharfhausen Kebbon, Óscar

Militar, 30 anos. Casou con Amelia Arroyo. Veciños de Cartagena (Murcia). Mariño da Armada, alférez de navío.

Golpista.

Comandante do Submarino B-6, sospeitoso de ser partidario do alzamento (o seu irmán Guillermo morrera a mans dos republicanos) e vixiado de cerca polo segundo maquinista, Juan Cumbrera González.

Nun enfrontamento o día 19/09/1936 preto do cabo de Peñas, contra o remolcador armado Galicia e o bou artillado Ciriza e, logo, o destrutor Velasco, o submarino rematou afundido. O comandante empregou unha estratexia de imposibilidade de inmersión para evitar a fuga do somerxible. Prenderon a toda a tripulación, agás dous afogados.

Xulgado en consello de guerra en Ferrol (A Coruña) polo delito de auxilio á rebelión co resultado de sentenza de absolución e posto en liberdade.

A tripulación leal á República sofre as seguintes represalias dos franquistas:

O día 3 de novembro executaron na Punta do Martelo do Arsenal de Ferrol aos seguintes tripulantes do Submarino B-6: Juan Cumbrera González, 35 anos, 2º maquinista; Pedro-Antonio Vera Rodríguez, 27 anos, fogueiro; José Chorro Muñoz, 29 anos, cabo de artillería; José Navarro Díaz, 36 anos, fogueiro; Teodoro López Camazón, 34 anos, auxiliar 1º electricista; Fernando de la Pascua Galiano, 30 anos, 3º maquinista; José Guerrero Giménez, 30 anos, auxiliar 2º radiotelegrafista; Andrés Navarro Barcelona, 29 anos, 3º maquinista; Víctor Bermúdez Bouza, 36 anos, auxiliar 2º de máquinas e Luis Preciados Rodríguez, 23 anos, cabo.

Condenaron a cadea perpetua a: Luciano Amado Muíños, 25 anos, cabo radiotelegrafista; Antonio Arregui Azcárate, 24 anos, cabo electricista; Vicente Carreño González, 23 anos, mariñeiro de 2ª; Martín Hernández Jerez, 23 anos, mariñeiro de 2ª; José Piñeiro Alonso, 24 anos, mariñeiro de 1ª; Remigio Rodal García, 20 anos, mariñeiro de 2ª; Laureano Rodríguez Fernández, 31 anos, auxiliar 2º naval e Lázaro Tudela García, 23 anos, mariñeiro enfermeiro.