Solana Gutiérrez-Solana, José-A.

Militar. Capitán médico da Armada no acoirazado Jaime I.

O comandante do Jaime I cando se produce o golpe de Estado era o capitán de navío Joaquín García del Valle, que non se puxo do lado dos rebeldes. O capitán de corveta Carlos Aguilar-Tablada Tejón era o oficial do buque máis afín ao levantamento militar e, aínda que estaba de permiso, logrou embarcar en Vigo (Pontevedra) antes de que o barco saíra cara Cádiz por orde do Goberno republicano para facer fronte aos rebeldes.

O día 20 de xullo a mariñeiría leal á República decidiu tomar o barco diante das sospeitas de que os oficiais se uniran aos rebeldes e despois de recibir ordes desde o Goberno de Madrid. Os oficias Carlos Aguilar-Tablada Tejón, José Cañas Arce, José-María Otero Goyanes e Carlos Falquina García de Pruneda fixeron fronte coas súas armas desde a ponte do acoirazado. Morreron Aguilar-Tablada e Cañas Arce e os outros dous, Otero Goyanes e Falquina, feridos no enfrontamento.

Cando chegaron a Tánxer (Marrocos), os mariñeiros deixaron en liberdade aos oficiais republicanos Tomás Acción Golpe, Benito Sacaluga Rodríguez, ao capitán médico José A. Solana Gutiérrez-Solana e ao tenente maquinista Ricardo Castro Calvelo.