Acuña Iglesias, Manuela

Casada con Manuel Méndez Montes; tiñan dous fillos: Germán e Remigio, e unha filla: América. Irmá de Ramón Acuña Iglesias e de Consuelo Acuña Iglesias, executados.

Vítima colateral.

Ao fuxido Juan-Manuel Gómez Corbacho localizárono na Torre, San Martiño de Salcedo, Pontevedra, e organizouse unha batida, que dirixía o xefe da Garda Cívica de Pontevedra, Víctor Lis Quibén, con 20 gardas cívicos e catro gardas civís, que comandaba o cabo Jesús Barja Vázquez. Os represores achegáronse a Salcedo o día 12 e encamiñáronse á casa de Ramón Acuña Iglesias, empregado de tranvías; alí tamén atoparon á súa irmá Consuelo Acuña Iglesias e á moza de González Corbacho, Elvira Lodeiro González.

Despois de “hábiles” interrogatorios souberon que González Corbacho e Manuel Méndez Montes se agochaban nunha chabola preto da casa; Manuel estaba casado coa irmá de Consuelo, Manuela Acuña Iglesias. Prendéronlle lume á chabola e, ao tentar fuxir, Juan-Manuel morreu tiroteado; Méndez Montes morreu queimado dentro da caseta.