Picallo Buela, Antonio

Vendedor de xornais, obreiro e político, 40 anos. Solteiro. Veciño de Pontevedra desde os anos vinte. Vendedor de xornais de propaganda comunista durante a II República.

Detido en xaneiro de 1935 por agredir a Manuel Argibay Solla.

Encarcerado. Paseado.

Despois do golpe rebelde detivérono soldados de Artillería o día 20/07/1936.

Xulgado polo Tribunal Militar Territorial de Pontevedra, na causa 742/36, acusado de axente marxista.

Trasladárono á Colonia Penitenciaria da Illa de San Simón, Redondela (Pontevedra), de onde o sacaron os falanxistas con outras dez persoas, na noite do oito de novembro, coa desculpa de trasladalos á cadea de Ponte Caldelas (Pontevedra) e finaron paseados.

Morte rexistrada en Tenorio con outros cinco veciños de Lalín e cinco máis de Arbo. Ao chegaren á Volta do Couto baixáronos do camión e abriron fogo contra deles.

Nese lugar e data os represores asasinaron a seis lalinenses: Luis Frade Pazos, labrego; Eliseo Garra Lalín, funcionario; Ramiro Granja González, funcionario; José López Bermúdez; José-María Montouto Rodríguez, labrego, e Luis Varela Sobrado, canteiro. Outros cinco dos executados eran naturais de Arbo (Pontevedra): Juan Alonso Pérez, mestre; Alfonso Alonso Portugués, empresario agrario; José Gómez Sampayo, médico; Antonio Picallo Buela, vendedor de xornais, e Telmo Rodríguez Alonso, pensionista.

Soterráronos nunha fosa común no cemiterio de San Pedro de Tenorio.