Ramos Díaz, José

Xastre, 23 anos. Solteiro. Veciño do Valadouro.

Encarcerado.

Ingresado na Prisión Provincial de Lugo o día 27/03/1940 e trasladado ao cárcere de Ferrol (A Coruña) o 12/04/1940.

Detido por mor dunha trampa no Bar Barlovento o día 10/07/1948, na Praza de Lugo, por unha delación dun compañeiro do seu grupo, xunto con Antonio Seoane Sánchez, Julián, Jorge; José Rodríguez Campos, obreiro; Juan Martínez Montero, campesiño e Josefa González Cudeiro. A operación policial dirixiuna Eduardo Alfonso Cruz, xefe do Servizo de Información da 140 Comandancia da Garda Civil na Coruña, empregando datos obtidos polo axente infiltrado na guerrilla Alejo-Pablo Mora García.

Ao secretario xeral do PCE José Gómez Gayoso, Juan, Carlos, López, e a María Blázquez del Pozo, obreira (embarazada, á que lle perforaron o estómago dun tiro e non lle sacaron a bala no tempo que durou o seu encerro), arrestáronos ao día seguinte. Sufriron todos e todas duros interrogatorios, malleiras e torturas.

Xulgado no Tribunal Militar Territorial da Coruña o día 18/10/1948 polo delito de auxilio á rebelión na causa 370/48.

Este consello de guerra sumarísimo, presidido polo tenente coronel de Enxeñeiros Ramón Rivas Martínez, converteuse nunha farsa, sen probas nen testemuñas.