Rodríguez Saldaña, Ángel

Tiña 29 anos. Casado; tiñan dous fillos. Veciños de Olloniego.

Membro da Agrupación Socialista (AS) de Olloniego.

Fuxido. Executado.

A finais do ano 1939 formou parte do grupo de oito socialistas, que capitaneados por Marcelino Fernández Villanueva, Gafas, tentaron acadar Porto (Portugal) para escapar da represión dos golpistas. Compoñían a partida: Gafas; Tomás Fernández Castro, Capitán Fantasma; Manuel-Luis Gómez Bueno, Pambarato; Aladino Suárez González, Aladino; Ovidio González Vázquez, o Pollón; Amador Pello Bárcena; José-Benjamín Pello Bárcena e Ángel Rodríguez Saldaña. Eran todos de Olloniego.

Diante das presións da policía portuguesa tiveron que regresar á provincia de Ourense e, moitos deles, de alí pasaron outra vez ao Principado de Asturias na procura de armas.

Cando o grupo tentaba volver ao Principado de Asturias para facerse con armas longas, sorprendeunos a Garda Civil en Villavieja, preto de Ponferrada (León); os gardas detiveron a Ángel Rodríguez Saldaña, ao que porían cal viva nas feridas e, logo, sacaríano do cuartel con dous mendigos e asasinaríanos nas aforas de Carucedo o día 05/03/1939. Gafas, que resultara ferido a tentativa portuguesa, quedou con Girón, mentres o resto de compañeiros volvían a Xixón (Principado de Asturias) na procura de armas máis eficaces para os seus obxectivos.