Álvarez Gallego, Gerardo

Xornalista, ensaísta, avogado e político, 36 anos. Estudou Maxisterio na Escola Normal de Pontevedra. Licenciouse en Dereito pola Universidade de Santiago de Compostela (USC). Irmán de Emilio Álvarez Gallego, depurado, e de Amalia Álvarez Gallego, casada con Alejandro Bóveda Iglesias. Estableceuse como avogado en Vigo (Pontevedra), onde tamén exerceu de procurador.

Redactor xefe de El Pueblo Gallego. Tamén colaborou con Galicia e El País.

Secretario do Partido Galeguista (PG) en Vigo. Concorreu coa Fronte Popular, polo PG, nas eleccións de febreiro de 1936. Compromisario pola Fronte Popular (FP) por Pontevedra, en abril de 1936, para a elección do presidente da República, cargo que recaeu en Manuel Azaña Díaz.

Exiliado.

Cando se produce o golpe de Estado foxe a Santiago de Compostela e agochouse na clínica de Ramón Baltar Domínguez, quen lle vendou a cabeza simulando unha operación e para que conseguira acadar Portugal disfrazado de mendigo.

Exiliado en Cuba, onde chegou a finais de 1936. Na Habana fundou en agosto de 1938 a antifascista Irmandade Galega, da que foi presidente ata 1941. En Cuba dirixiu e colaborou con moitas revistas.

Despois da revolución de Cuba de 1959 exiliouse en Miami, nos Estados Unidos.