Álvarez Parapar, Francisco

Mariñeiro, 20 anos. Solteiro. Veciño de Viveiro. Irmán de Manuel Álvarez Parapar, encarcerado.

Encarcerado.

Ingresado no depósito de Viveiro o día 21/07/1936 e trasladado á Prisión Provincial de Lugo.

Xulgado en consello de guerra en Lugo polo delito de rebelión militar (ocupación de armas e explosivos), na causa 212/36, co resultado de sentenza a cadea perpetua segundo resolución do 13/03/1937. Procesaron neste xuízo en novembro de 1936 a varios veciños das zonas de Viveiro e Ourol.

Condenaron á pena de morte a: Balbino Cerdeiras Rey e a José Vázquez Liz; cadea perpetua para: Francisco Álvarez Parapar, José Canoura Iglesias, Jesús Carrodeguas Franco, Ricardo Casabella Martínez, Ángel Castro Rábade, José Chao Rouco, Ricardo Corbelle Ramos, Jesús Cruz Lage, Domingo García Chao, Modesto González Trasancos, Francisco López Insua, Vicente Novoa Rego, Antonio Pardo Prieto, Celestino Pérez Bermúdez, José-María Rivera Quintana, Generoso Rivera Rubal e Jesús Rivera Rubal; sentenciaron a 20 anos a Miguel Eiroa Marful e a Ramón Viñas Corredoira; 15 anos de cadea para Manuel Álvarez Parapar; 12 anos de castigo para: José-Manuel Agüeira Meitín, Amador Iglesias Pardo e José Rodríguez Camba. Tamén ingresaron na cadea a José López Martínez.

Concédeselle a prisión atenuada o día 20/08/1940 despois de conmutarlle a pena na comisión de exame de penas de Lugo.

Procesárono por responsabilidades políticas en Lugo e indultárono en 1960.