Vázquez Liz, José

Labrego e político, 51 anos. Casado. Veciño de San Xoán de Covas, Viveiro (Lugo).

Militante do PSOE.

Executado.

Ingresado no depósito de Viveiro o día 28/08/1936 e trasladado á Prisión Provincial de Lugo.

Xulgado en consello de guerra en Lugo polo delito de rebelión militar (ocupación de armas e explosivos), na causa 212/36, co resultado de sentenza á pena de morte segundo resolución do día 13/03/1937. Proceso iniciado en novembro de 1936 contra varios veciños das zonas de Viveiro e Ourol.

Condenaron á pena de morte a: Balbino Cerdeiras Rey e José Vázquez Liz; cadea perpetua para: Francisco Álvarez Parapar, José Canoura Iglesias, Jesús Carrodeguas Franco, Ricardo Casabella Martínez, Ángel Castro Rábade, José Chao Rouco, Ricardo Corbelle Ramos, Jesús Cruz Lage, Domingo García Chao, Modesto González Trasancos, Francisco López Insua, Vicente Novoa Rego, Antonio Pardo Prieto, Celestino Pérez Bermúdez, José-María Rivera Quintana, Generoso Rivera Rubal e Jesús Rivera Rubal; sentenciaron a 20 anos a: Miguel Eiroa Marful e Ramón Viñas Corredoira; 15 anos de cadea para Manuel Álvarez Parapar; 12 anos de castigo para: José-Manuel Agüeira Meitín, Amador Iglesias Pardo e José Rodríguez Camba. Tamén ingresaron na cadea a José López Martínez.

Fusilárono os golpistas nas tapias do cuartel da Garda Civil en Lugo.

Nese lugar e data asasinaron a: Balbino Cerdeiras Rey, médico; Lisardo Sotelo Pérez, labrego; José Vázquez Liz, labrego, e Manuel Vázquez Olmo, xastre.

Procesárono por responsabilidades políticas en Lugo e indultárono no ano 1960.