Agüeira Meitín, José-Manuel

Xornaleiro, 26 anos. Casado. Veciños de Santa María de Galdo, Viveiro.

Encarcerado.

Ingresado no depósito de Viveiro o día 28/08/1936 e trasladado á Prisión Provincial de Lugo.

Xulgado en consello de guerra polo Tribunal Militar Territorial de Lugo polo delito de auxilio á rebelión, na causa 212/36, co resultado de sentenza a 12 anos de cadea.

Procesaron neste xuízo, en novembro de 1936, a varios veciños das zonas de Viveiro e Ourol.

Condenaron á pena de morte a Balbino Cerdeiras Rey e a José Vázquez Liz; cadea perpetua para: Francisco Álvarez Parapar, José Canoura Iglesias, Jesús Carrodeguas Franco, Ricardo Casabella Martínez, Ángel Castro Rábade, José Chao Rouco, Ricardo Corbelle Ramos, Jesús Cruz Lage, Domingo García Chao, Modesto González Trasancos, Francisco López Insua, Vicente Novoa Rego, Antonio Pardo Prieto, Celestino Pérez Bermúdez, José-María Rivera Quintana, Generoso Rivera Rubal e Jesús Rivera Rubal; sentenciaron a 20 anos a Miguel Eiroa Marful e Ramón Viñas Corredoira; 15 anos de cadea para Manuel Álvarez Parapar; 12 anos de castigo para José-Manuel Agüeira Meitín, Amador Iglesias Pardo e José Rodríguez Camba. Tamén ingresaron na cadea a José López Martínez.

Máis tarde concédeselle a prisión atenuada.

Procesárono tamén no Tribunal Rexional de Responsabilidades Políticas da Coruña; indultado.