Aranda Mata, Antonio

Militar, 47 anos. Ingresou con 13 anos na Academia Militar de Toledo. Participou nas campañas de África onde acadou o grao de capitán do Estado Maior e ascendérono, por méritos de guerra, a comandante. Tiña fama de masón e liberal, identificándose cos republicanos moderados de Alejandro Lerroux García.

En 1934 participou na represión da folga xeral revolucionario de outubro no Principado de Asturias e, a finais de 1934, nomeárono gobernador militar de Oviedo (Principado de Asturias).

Golpista.

Era gobernador militar cando se produce o golpe de Estado e o 19 de xullo sumouse aos rebeldes, urdindo un plan co que enganou ás autoridades republicanas, accións que deron lugar ao Sitio de Oviedo. Despois de romper este asedio dos milicianos republicanos, ascende a xeneral de brigada e póñeno á fronte do Corpo de Exército de Galicia do Exército do Norte dos sublevados, que mandou ata o remate da guerra.

No momento do alzamento José Franco Mussió era coronel e director da Fábrica de Armas de Trubia, Oviedo (Principado de Asturias) desde 1935. Cando o coronel rebelde Antonio Aranda o chamou desde Oviedo para sumarse aos golpistas, Mussió foi reticente e a fábrica de Trubia mantívose fiel ao Goberno republicano. No procesamento de Mussió, Aranda declarou que desobedecera as súas ordes.

Xefe da VIII Rexión Militar de febreiro a outubro de 1937. Ao remate da contenda nomeárono comandante xefe da III Rexión Militar, en Valencia, sempre mantivo unha relación distante con Francisco Franco Bahamonde e o seu Réxime; sobre todo enfrontado cos falanxistas, cos que non quixera contar no sitio de Oviedo.

Despois dunha viaxe a Alemaña, fixo unhas declaracións en Portugal recomendando manter boas relacións co Reino Unido; afastárono dos cargos que implicaran mando de tropas. En 1943 arrestárono baixo a acusación de conspirar contra Franco e en favor da restauración monárquica; como heroe de guerra, pronto o liberaron.

Segundo documentos desclasificados dos servizos secretos británicos, cando era capitán xeral de Valencia, cobrou dous millóns de dólares do Reino Unido, a través do banqueiro Juan March Ordinas, para encabezar un golpe de Estado contra Franco.

Sempre se involucrou nas conspiracións monárquicas contra os franquistas.