Gama Casalderrey, Faustino

Político, 27 anos. Veciño de San Salvador de Lérez. Irmán de Alejandro Gama Casalderrey, encarcerado, e de Manuel Gama Casalderrey, encarcerado; á súa irmá Custodia Gama Casalderrey tamén a encarceraron e denigraron.

Militante do PCE. Co seu irmán Alejandro dirixiu a Federación Cultural Deportiva Obreira de España en Pontevedra, promovendo atletas para a Olimpíada Popular de Barcelona.

Nos días anteriores ao golpe dos militares rebeldes elixírono, co seu irmán Alejandro, Alejandro Bóveda Iglesias e demais dirixentes republicanos como compoñente das milicias antifascistas que estaban baixo as ordes do dentista Jacobo Zbarsky Kuper, co obxectivo de defender o Goberno Civil de Pontevedra dos ataques dos militares sublevados.

Executado.

Logo do golpe permaneceu escapado nos montes de Lérez e en varios agochos. A presión policial sobre a familia da súa moza, que vivía en Salcedo (Pontevedra), fixo que se presentara ao médico Enrique Ballina e ao cura don Leandro del Río Carnota para que o acompañaran a entregarse.

Entregouse o día 28 de decembro e o 29 fusilárono en Pontevedra por “incurso en los bandos vigentes”.

O Informe da Delegación de Orden Público do día 25/07/1938, case que dous anos despois do seu asasinato, dicía: “Participaba en alto grado de los ideales comunistas a cuya difusión contribuyó eficazmente; gran propulsor del Socorro Rojo y organizador de las Juventudes Deportistas, que eran sus milicias rojas a las que pertenecía como uno de sus jefes, actuando activamente en prepararlos para la oposición al Movimiento Nacional habiendo el mismo ejercido resistencia armada”.