González Cudeiro, Luisa

Tiña 12 anos. Veciña da rúa Raíña Vitoria, 31, en Ourense. Filla de Ramón González Calviño, encarcerado e fusilado, e de Vicenta Cudeiro Caseiro, encarcerada. Irmán de Julio González Cudeiro, encarcerado; de Ángel González Cudeiro, encarcerado; de Josefa González Cudeiro, encarcerada e de Maruja González Cudeiro, encarcerada e exiliada.

Militante do PCE.

Encarcerada.

Cando a guerra comezou para ela e a súa familia a persecución, os rexistros e o cárcere.

A súa familia sufriu unha brutal represión por dar acubillo aos fuxidos. Na súa casa de Ourense acollía a resistentes ao Réxime. Aos seus irmáns Ángel e Julio procesáronos e absolvéronos en 1937. O 27 de marzo de 1937 os militares asaltaron a súa casa e incendiárona; vivían nun terceiro piso dunha casa de catro plantas no casco urbano de Ourense. A Luisa e aos seus irmáns encarceráronos; ao seu pai fusilárono en Ourense, o día 01/04/1937, por ter agochados na súa casa os dous fillos e un veciño para que non acudiran ao servizo militar.

Nos anos da guerra, entre 1937 e 1938, internárona en varios cárceres coa súa irmá Josefa González Cudeiro. Na cadea de Bande (Ourense) todo era humidade; inicialmente durmían no chan e sen roupa para abrigarse; todas apiñadas nunha sala. Había un corredor para camiñar, pero sempre as tiñan encerradas. As presas guerrilleiras non podían recibir axuda externa porque as súas familias mantíñanas represaliadas.