González Horta, Juan

Veciño da Coruña. Soldado pola súa quinta no Rexemento de Infantería Zamora nº 29, 15ª Brigada de Infantería da VIII División Orgánica na Coruña.

Militante das Xuventudes Libertarias (XXLL).

Executado.

Acusárono do intento de levantar os cuarteis das Atochas, na Coruña, no outono de 1936.

Xulgado en consello de guerra na Coruña polo delito de sublevarse contra dos seus mandos co resultado de sentenza á pena de morte.

Morte rexistrada no Campo da Rata, na Coruña, a media tarde e con grande expectación, a causa de ser pasado polas armas en cumprimento do artigo 4º do bando declarativo do estado de guerra.

Fusilaron ese mesmo día, no Campo da Rata da Coruña, os militares de quinta do cuartel de Infantería da Coruña seguintes: Antonio Barreiro Méndez, Manuel Ferreiro Novo, Juan González Horta, Luis López Gómez, Fernando Negreira Sánchez, Luis Neira Suárez, Manuel Obelleiro Meijide e Manuel Seoane Díaz.

A estes oito homes acusáronos, pola denuncia dun recruta de San Estevo de Buño, Malpica de Bergantiños (A Coruña), de planear o asasinato dos oficiais do seu acuartelamento.

Soterrárono o día 24 de outubro nunha fosa común no cemiterio de San Amaro, na Coruña, con Antonio Barreiro Méndez, Cristóbal Feliú Lourido, Manuel Ferreiro Novo, Tomás Longueira Bermúdez, Luis López Gómez, Fernando Negreira Sánchez, Luis Neira Suárez, Manuel Obelleiro Meijide, Manuel Pallarés Villares, Melchor Pita Díaz, Adolfo Ponte Rodríguez e Manuel Seoane Díaz.