Martínez Piñó, Manuel

Médico, 36 anos. Veciño de Santo André do Hío, Cangas (Pontevedra). Médico da sociedade La Unión de Hío desde 1929.

Fundador e presidente de Esquerda Republicana (ER) de Cangas.

Encarcerado. Sancionado.

Despois do pronunciamento militar tentou fuxir pero prendérono os franquistas.

Xulgado no Tribunal Militar Territorial de Pontevedra na causa 790/36.

A varias persoas veciñas da Coruña detivéronas na operación contra a organización clandestina, que pretendía salvarlle a vida ao deputado socialista Luis Rufilanchas Salcedo e pasalo á zona republicana do Principado de Asturias.

Xulgado en consello de guerra na Coruña polo delito de rebelión, na causa 291/37, co resultado de sentenza a cadea perpetua.

Os xuíces militares condenaron á pena de morte a: Argimiro Aradas Leiro, Manuel Fernández López, José-Santiago García Rey, Francisco González Agilda, Ramón Lea García, Delfino Liñeira Fraga, Francisco Meizoso Veiga, José Méndez Serantes, Rotilio-Enrique Naya Rodríguez, Domingo Rey Lago, Manuel Rúa Losada, Genaro Ruano Sanjurjo, Luis Rufilanchas Salcedo, Nicolás Veiga Núñez e Emilio Zufia Moreno; penas de cadea perpetua para: Manuel Martínez Piñó e José Santiago Temprano; 20 anos de cadea para: Emilia Pérez Pazos e Generoso Rumbo Lafuente; tamén condenaron a prisión a: Conrado Naya Rodríguez e Juan Sánchez Serantes; o tribunal absolveu a Luis Duro de la Iglesia e José Lombardía Bargos

Conmutáronlles a pena de morte pola de cadea perpetua a: Ramón Lea García, José Méndez Serantes e Emilio Zufia Moreno.

Pena ordinaria conmutada pola comisión de exame de penas da Coruña.

No ano 1941 ábreselle un expediente de responsabilidades políticas e impónselle unha sanción de 250 pesetas.