Primo de Rivera Sáenz de Heredia, Miguel

Militar e político, 32 anos. Licenciado en Dereito pola Universidade Central de Madrid. Fillo do ditador Miguel Primo de Rivera Orbaneja, quen gobernara España de 1923 a 1930 e irmán de José-Antonio Primo de Rivera Sáenz de Heredia, Pilar Primo de Rivera Sáenz de Heredia e de Fernando Primo de Rivera Sáenz de Heredia.

Colaborou con José-Antonio nas eleccións de 1933. En 1934 nomeárono xefe de primeira liña de Falanxe Española (FE) en Cádiz; implicouse na campaña electoral de febreiro de 1936, polo que o prenderon e ingresaron na prisión de Cuenca. Trasladado a Madrid o día 01/05/1936, procesárono co seu irmán o día 03/10/1936; sufriu prisión co seu irmán. Trasladáronos aos dous ao cárcere de Alacante o día 05/06/1936, acompañando ao seu irmán ata a execución de José-Antonio.

Golpista.

Cando estalou a guerra civil, xulgárono polo delito de rebelión co resultado de sentenza a 30 anos de prisión.

Permaneceu na prisión, incomunicado, ata marzo de 1939, cando o trocaron polo fillo do xeneral republicano José Miaja Menant, o capitán Miaja, que se atopaba nun campo de concentración no poder dos sublevados.

Despois do remate da guerra, aínda que ocupou cargos de relevancia na Falanxe Española Tradicionalista e das Xuntas de Ofensiva Nacional Sindicalistas (FET-XONS), non tivo un papel relevante no Réxime. Amigo de Ramón Serrano Suñer, o "Cuñadísimo", chegou a ocupar a carteira de Agricultura e, despois, a embaixada española no Reino Unido.