Ramos Fernández, Manuel

Político, 65 anos. Casado con Juana Ferreiro Rodríguez; tiñan catro fillas e tres fillas: Vicente, María, Antonia, Manuel, José, Dolores e Jesús. Veciños das Barrosas, Santa María das Pontes de García Rodríguez, As Pontes de García Rodríguez. Viaxaba a miúdo a Cuba para levar traballadores.

Concelleiro e nomeado 1º tenente de alcalde das corporacións das Pontes de García Rodríguez de 1931 e 1932 polo Partido Republicano Agrario (PRA) e, tamén 1º tenente de alcalde, na de 1935 polo Partido Republicano Independente (PRI) .

Paseado.

Morte rexistrada nas Pontes de García Rodríguez.

Asasinado por un grupo de falanxistas dirixidos por Narciso Corral Ocampo, xefe de Falanxe, e no que tamén estaban Ubaldo Fernández, Nazario López Vérez e Luis Blanco López.

Manuel finou asasinado xunto con outros tres familiares. Nun primeiro momento, no asalto da súa casa, asasinaron a súa dona Juana Ferreiro Rodríguez e o seu fillo José Ramos Ferreiro. Pola noite volveron á casa uns cincuenta falanxistas que o remataron a el e ao seu fillo Manuel Ramos Ferreiro. Dos que se acubillaban na casa só se salvaron Dolores Ramos Ferreiro, cunha ferida na man e protexida logo polo cura Valentín Carballo, e o seu irmán Jesús Ramos Ferreiro que tiña entón tres anos. A Juana e a José matáronos no cemiterio.

Soterráronos nunha fosa común.

Inscribiron a morte destas catro persoas no rexistro o día 05/09/1936.

No ano 1941 abriuse un procedemento xudicial por estes feitos contra Narciso Corral Ocampo e que rematou sobresido.