Rodríguez Otero, Primitivo

Labrego, sindicalista e político, 42 anos. Casado con Silvina Castro Tellado, irmá do guerrilleiro Manuel Castro Tellado. Veciños de Mosteiro.

Fundador da Sociedad de Trabajadores de la Tierra, da UXT, e membro do Comité Socialista de Mosteiro. Elixido concelleiro de Pol o día 12/03/1936.

Fuxido. Encarcerado.

Despois do triunfo do golpe militar prendérono os rebeldes e consegue escapar. Ocultouse polos montes da parroquia de Luaces con Manuel Castro Tellado e Manuel Rivas Carballés.

Prendérono e ingresárono na Prisión Provincial de Lugo o día 25/05/1937.

Xulgado en consello de guerra en Lugo polo delito de adhesión á rebelión militar, na causa 1382/37, co resultado de sentenza a cadea perpetua segundo resolución do 18/06/1938. Xuízo contra varios veciños de Pol.

Neste proceso condenaron a cadea perpetua a Primitivo Rodríguez Otero. Ditouse auto de sobresemento para Manuel González Teijeiro, sentenza de absolución para José López García e declararon fuxido a Manuel Castro Tellado.

Pena ordinaria conmutada pola comisión de exame de penas de Lugo e concedéronlle a prisión atenuada o día 23/08/1940.

Despois do pasamento do seu cuñado Manuel, o día 13/01/1947, prendérono co súa dona o seguinte 11 de febreiro.

Xulgado no Tribunal Militar Territorial de Lugo o día 30/01/1948 polo delito de encubrimento de bandoleiros, na causa 99/47, co resultado de un ano e seis meses de prisión menor.

Deixárono en liberdade condicional o día 18/04/1948.

Procesárono no Tribunal Rexional de Responsabilidades Políticas da Coruña e indultárono no ano 1945.