← Volver atrás

Cobas Rodríguez, Manuel

Perfil histórico: Vítima da represión

Datos persoais

Situación: Encarcerado

Nacemento:

Lugo
(Lugo)
- 01/01/1902 ? No caso de non coñecer o día e o mes de nacemento, estableceuse o 01/01

Morte:

Lugo
(Lugo)
- 01/01/1983 ? No caso de non coñecer o día e o mes da morte, estableceuse o 01/01

Biografía

Dependente e político, 34 anos. Solteiro. Veciño de Lugo. Dependente de comercio.

Membro da UXT, secretario do Sindicato de Comercio e presidente local da Sociedade Instrutiva de Dependentes de Comercio entre 1933 e 1935. Afiliado a Agrupación Socialista (AS) de Lugo da que foi vogal. Concelleiro de Lugo polo PSOE, dentro da coalición da Fronte Popular (FP), no ano 1936 e 4º tenente de alcalde. Manuel participou nas reunións en favor do Estatuto de Autonomía de Galicia (EAG).

Encarcerado.

Ingresado na Prisión Provincial de Lugo o día 04/04/1940.

Xulgado en consello de guerra no Tribunal Militar Territorial nº 4 de Lugo polo delito de auxilio á rebelión, na causa 200/40, co resultado de sentenza a 20 anos de cadea segundo resolución do día 07/04/1941.

Puxérono en liberdade o día 15/12/1941.

Procesárono por responsabilidades políticas e sancionárono.

No ano 1945 nun intento de reorganización do PSOE en Lugo e na Coruña participaron: Manuel Cobas Rodríguez, dependente; Luis Fernández del Valle, político; Graciano Leivas Freire, mecánico; José-Mateo Mariñas Ferrero, xornalista, e Antonio Vidal Vilas, político, e outras persoas.

O día 25/07/1945 prendérono con Graciano Leivas, baixo a acusación de “actividades clandestinas de tipo socialista”, permanecendo os dous na Prisión Provincial de Lugo ata o día 29/08/1945, data na que os trasladaron á Prisión Provincial da Coruña.

Xulgado en consello de guerra na Coruña polo delito de actuacións clandestinas, na causa 321/45, co resultado de sentenza a seis meses e un día de cadea.

A Manuel Cobas Rodríguez, José-Mateo Mariñas Ferrero e Antonio Vidal Vilas castigáronos a seis meses e un día de cadea; a Luis Fernández del Valle a nove meses.

Trasladárono de novo á cadea de Lugo o día 24/05/1946 e puxérono en liberdade o día 26/06/1946.

Volveu á cadea o día 24/02/1947, acusado nesta ocasión de axudar á guerrilla antifranquista, con Carmen Ares Fernández.

Xulgárono en consello de guerra no Tribunal Militar Territorial nº 4 de Lugo o día 30/01/1948 con outras persoas, na causa 99/47, polo delito de axuda a bandoleiros. A sentenza do día 17/02/1948 acompáñase dun expediente de indulto.

Nesta causa castigaron a dez anos de prisión a Aniceto Díaz Pereira, a seis anos a Modesto López Rodríguez, a cinco anos a Fidel Díaz Pérez, a tres anos a Manuel Pérez Penelas e a un ano e seis meses a Lino Carrera Falcón e a Primitivo Rodríguez Otero. Tamén Procesaron neste xuízo a: Manuel Cobas Rodríguez, José-María Díaz Cortón, América Díaz Pereira, Failde Fernández Teijeiro, Donato Freire Barja, Antonio Freire Sanjurjo, Carmen Freire Sanjurjo, Anunciación Grandela Novo, Francisco Pacio Rodríguez, Manuel Paxaro Seijas, Ramón Paxaro Seijas, David Rico Seivane, Serafín Rico Seivane, Salvador Riopedre Ríos, José-Benito Sanjurjo Onega e Josefa Teijeiro Linares (Liñares).

Puxérono en liberdade condicional o día 10/04/1948.

Manuel pertenceu á organización socialista clandestina de Lugo nos anos sesenta, da que chegou a ser secretario.

Axúdanos a mellorar

Titular do sitio web: Comisión pola Recuperación da Memoria Histórica da Coruña. Finalidade: Procesar, xestionar e responder ás solicitudes de información ou comunicacións realizadas a través deste formulario. Base xurídica: Consentimento do usuario ao usar a ferramenta. Destinatarios: Os datos que me envías almacénanse nos servidores de Lucushost. Podes consultar a súa política de privacidade aquí. Dereitos: Podes acceder, rectificar e suprimir os teus datos. Consulta a nosa política de privacidade.

Envía unha nova ficha

Titular do sitio web: Comisión pola Recuperación da Memoria Histórica da Coruña. Finalidade: Procesar, xestionar e responder ás solicitudes de información ou comunicacións realizadas a través deste formulario. Base xurídica: Consentimento do usuario ao usar a ferramenta. Destinatarios: Os datos que me envías almacénanse nos servidores de Lucushost. Podes consultar a súa política de privacidade aquí. Dereitos: Podes acceder, rectificar e suprimir os teus datos. Consulta a nosa política de privacidade.