Arroyo Medina, Hilario

Mineiro e sindicalista, 28 anos. Veciño de Lousame (A Coruña). En certos documentos aparece como Arroyo Mestre. Desde 1930 traballaba nas minas de San Fins.

Militante da CNT. Presidente do Sindicato Mineiro e Profesións Varias nas minas de San Fins, Lousame.

Fuxido.

Cando se produce o levantamento militar golpistas marchou cos mineiros na defensa da República a Santiago de Compostela (A Coruña) e á Coruña coa Columna Sanfíns. Cando a cidade herculina cae nas mans dos sublevados, pasou ao Mesón do Vento e foxe ao monte.

Xulgado en consello de guerra na Coruña polo delito de rebelión co resultado de ser declarado fuxido e en rebeldía.

Estivo agochado nos montes de Lousame, Padrón e Boiro, na provincia da Coruña.

Formou parte da Partida de Curuxás, que dirixía Ramón Rodríguez Varela, Curuxás.

Por este grupo pasaron: Hilario Arroyo Medina, Medina; José-Luis Castro Veiga, o Piloto; José Díaz; Manuel Fernández Valle, Portafondón; Benedicto Fuentes Díaz, Benedicto da Rula, Antón; Leonardo Gómez Pérez, Trancas; Celestino Horta Resúa; Jesús-María Iglesias Escourido, Franco, o Tizón, Caudillo; Avelino Méndez Suárez, Asturiano; Lisardo Núñez; Guillermo Paredes Viñas, Guillermo da Canteira; Ramón Rodríguez Varela, Curuxás; Abdón Telesforo Vázquez e José Vázquez Otero.

Presentouse ás autoridades franquistas no ano 1940.