Ferreiro Rodríguez, Juana

Labrega, 59 anos. Casada con Manuel Ramos Fernández; tiñan catro fillas e tres fillas: Vicente, María, Antonia, Manuel, José, Dolores e Jesús. Veciños das Barrosas, Santa María das Pontes de García Rodríguez, As Pontes de García Rodríguez.

Executada.

Asasinada por un grupo de falanxistas dirixidos por Narciso Corral Ocampo e no que tamén estaban Ubaldo Fernández, Nazario López Vérez e Luis Blanco López.

A Juana asasinárona xunto con outros tres familiares. Nun primeiro momento, no asalto da súa casa, finaron asasinadas ela e o seu fillo José Ramos Ferreiro. Pola noite volveron á casa uns cincuenta falanxistas que remataron a Manuel Ramos Fernández, que era o home de Juana e que fora 2º tenente de alcalde das Pontes, e ao seu fillo Manuel Ramos Ferreiro.

Dos que residían na casa só se salvaron Dolores Ramos Ferreiro, cunha ferida na man e protexida logo polo cura Valentín Carballo e o seu irmán Jesús Ramos Ferreiro, que tiña entón tres anos. A Juana e a José executáronos no cemiterio; soterráronos nunha fosa común no cemiterio das Campeiras, As Pontes de García Rodríguez.

Inscribiron a morte destas catro persoas no rexistro o día 05/09/1936.