Meizoso Casal, Juan-Antonio

Perfil histórico: Vítima da represión

Datos persoais

Situación: Fuxido. Encarcerado

Nacemento:

Fene

(A Coruña)

- 01/01/1908

Morte:

lugar descoñecido

Militar, 28 anos. Veciño de Santa Mariña de Sillobre, Fene. Mariño da Armada, mariñeiro de 2ª no cruceiro lixeiro Libertad.

Fuxido. Encarcerado.

Xulgado en consello de guerra en Ferrol polo delito de rebelión militar; puxérono en liberdade sen cargos.

Despois da guerra civil rematou preso en Cartagena (Murcia).

Cando se produce o golpe militar a dotación deste cruceiro prendeu á oficialidade golpista e fíxose co control do barco para a República.

Axustizaron neses días ao comandante do cruceiro Hermenegildo Franco Salgado-Araujo, ao 2º comandante Juan-Antonio Garat Rull e ao alférez de navío Francisco-José Núñez Iglesias.

Á dotación do Libertad, fiel á República, procesárona ao remate da guerra civil cos seguintes castigos:

Condenaron á pena de morte a: Ramón Gómez Prieto, 32 anos, fogueiro preferente e Enrique Gradaille Vilaboy, 26 anos, cabo de mariñeiría.

Sentenciaron a cadea a: o cabo de mariñeiría José Fonticoba Díaz, 22 anos, a 12 anos e un día e os mariñeiros Juan Rodríguez Crespo, 20 anos, a 12 anos de cadea; Jesús Pazos Rosales, 29 anos, a seis anos e un día; Valentín González Martínez, 32 anos, a dous anos e Basilio González Álvarez, 23 anos, a un ano.

Remataron presos de guerra: José Leira Regueiro, 20 anos, fogueiro, e os mariñeiros José Lorenzo Brage, 20 anos e Benjamín Pampillón Davila, 30 anos.

Declararon fuxidos e en rebeldía a: o alférez de navío José-Luis Souto López de Neira, 28 anos; o auxiliar de artillería Víctor San Telesforo Villar, 24 anos; o maquinista naval Enrique Varela Casas; os cabos Abelardo Fernández López, 24 anos; Pedro Fernández Montero, 33 anos; Emilio Parga Gómez, 24 anos e Eugenio Porta Rico, 23 anos, e os mariñeiros José Rodal Blanco, 22 anos e Antonio Vázquez Fernández, 19 anos.

Exculparon no proceso a: os cabos Jesús Allegue Dopico, 22 anos; José Bértola Canosa, 22 anos; Manuel Lorenzo Eiras, 22 anos e Constantino Ríos Ramil, 23 anos, e os mariñeiros Cándido Barreiro Pena, 22 anos; Alejandro Leal Pacheco, 24 anos; Juan-Antonio Meizoso Casal, 28 anos e Lisardo del Río Pazos, 22 anos.