Pérez Senra, Nicasio

Labrego e político, 52 anos. Veciño de San Fiz de Esteiro, Cedeira.

Era concelleiro de Cedeira desde marzo de 1936 por Esquerda Republicana (ER), dentro da Fronte Popular (FP), cando se produce o golpe de Estado de 1936.

Tiña como compañeiros da Corporación de Cedeira de 1936, entre outras persoas, a: Manuel Fernández Freijeiro (alcalde), executado; José-Cipriano Durán Fraguela, executado; José Vergara López, asasinado; Jesús Lourido Arriví, asasinado; José Lago Beceiro, executado; José López Teijeiro, asasinado; Andrés Arriví Caneiro, encarcerado; Antonio Pérez Muíño, encarcerado.

Paseado.

Formou nun grupo de fuxidos na zona da Capelada, entre Cerdido e Cariño. Neste grupo estaban: José Rey Díaz, Torradas, morto en marzo de 1938; Nicasio Pérez Senra e José López Teijeiro, abatidos tamén en marzo de 1938; Manuel Orjales Bouza, Labrada, e Andrés Brañas Rodríguez, Carrizo, detidos en decembro de 1938 e condenados á pena de morte, e Manuel Santalla Orjales, detido en marzo de 1939. A súa única pretensión era a supervivencia.

Os fascistas sacárono da igrexa de Esteiro cando escoitaba misa.

Morte rexistrada en Cerdido por mor dunha hemorraxia cerebral.

Con el déronlle o paseo a José López Teijeiro, compañeiro da corporación.

Os seus corpos apareceron na cuneta da estrada Cerdido-Cedeira.