Rodríguez Vázquez, Claudio

Militante do PCE.

Fuxido.

Non se presentou a filas no exército franquista e uniuse no ano 1939 ao grupo dos irmáns José García Molares e Rogelio García Molares, os Maletas, activo desde 1938 entre Redondela e Vigo. Incorporouse con Jesús Lago González, Petrillas.

Semella que se entregou logo dunha promesa de amnistía do gobernador civil de Pontevedra Manuel Gómez Cantos.

A primeiros do ano 1940 participou na reorganización do PCE.

Diante da presión policial botouse ao monte en novembro de 1945.

Membro do Destacamento Paco Barreiro, da V Agrupación do Exército Guerrilleiro de Galicia (EGG), baixo o mando de Manuel Simón Campos, Xanote.

Por este destacamento pasaron: Agustín Álvarez Araujo; Basilio Calvar Solla, o Roxo de Domaio; Estanislao Cantero Izquierdo; Urbano Fernández Bastos, Fotógrafo, Roque; José García Molares, Maletas; Aurelio Gil Méndez; Avelino Otero Montes, Avelino; Ramón Pereira Antelo, o Parrillero; Claudio Rodríguez Vázquez, Penís, Crispín e Manuel Simón Campos, Xanote.

Os fascistas acusárono de participar no axustizamento do veciño de Beade, Manuel Leirós Pérez, que ocorrera o día 21/01/1946.

O día 14/10/1946 participou no asalto a oito autobuses en San Lourenzo de Vilatuxe, Lalín (Pontevedra) e que se dirixían á feira de Bandeira (Pontevedra).

Logo da morte dos líderes Manuel Simón Campos e Avelino Otero Montes, Avelino, o 21/05/1947, os guerrilleiros superviventes dispersáronse e aquí pérdese o rastro de Claudio.

A primeiros dos anos cincuenta localizouno a Garda Civil en Lavadores e déronlle morte en abril de 1951.

Por mor do seu pasamento abriuse a causa 72/51 no Tribunal Militar Territorial de Pontevedra.