Temprano Salorio, Carmen

Tiña 9 anos. Moza do guerrilleiro José-María Castelo Mosquera, Doctor, Casteliño. Veciña do Carballo, San Pedro de Nós, Oleiros (A Coruña), onde a nai rexentaba unha taberna.

Militante do PCE.

Fuxida. Morte en enfrontamento.

Botouse ao monte no ano 1948 despois de coñecerse a relación que mantiña con Castelo Mosquera e integrouse no grupo de Juan Couto Sanjurjo, Simeón.

Tamén pertenceu ao Destacamento Manolito Bello, da IV Agrupación do Exército Guerrilleiro de Galicia (EGG).

No Destacamento Manolito Bello estiveron, entre outras persoas: José-María Castelo Mosquera, Doctor, Casteliño; Manuel Pena Camino, Flores, Dios; Vicente Peña Terrassa, Pedro Borrás; Manuel Ramiro Souto, Souto; Rosendo Sar Lantes, Rosendo de Alvedro; Carmen Temprano Salorio. O seu campo de acción desenvolvíase en Ordes e A Coruña.

Ferida o día 21/07/1948 en Beldoña, San Tirso de Mabegondo, Abegondo (A Coruña), nun tiroteo coa Garda Civil, na mesma noite na que ardeu a Casa do Concello de Abegondo.

Acostumaba vestir con roupa de home. Despois deste incidente o Destacamento Eive-Carbón trasladouse a terras de Negreira (A Coruña).

Morreu cando tentaba fuxir cos seus compañeiros ao descubrirlles o agocho do seu grupo na casa da familia Teiga, en Zas. Tres dos seus compañeiros logran fuxir e a dous abateunos a Garda Civil en Santa María de Paramos, Val do Dubra (A Coruña): Vicente Peña Terrassa e Manuel Pena Camino.

Soterráronos nunha fosa común no adro do cemiterio de Santa María de Paramos.

Morte anotada no Rexistro Civil de Negreira por mor dun traumatismo cerebral por disparo de arma de fogo.