Varela Sobrado, Luis

Canteiro e sindicalista, 27 anos. Casou no ano 1932 con Leonisa González; tiveron un fillo e unha filla: Germán e Elena. Veciños de San Xoán de Botos, Lalín. Irmán de Ramón Varela Sobrado, encarcerado. Co inicio das obras do ferrocarril Ourense-Santiago de Compostela, trasladouse a Botos.

Presidente da Sociedade Obreira La Equidad de Botos.

Detido en novembro de 1934 acusado de coaccións aos obreiros no desenvolvemento da folga xeral revolucionaria de outubro dese ano.

Paseado.

Cando se produce o movemento golpista acudiu a Lalín na defensa da legalidade republicana.

Prendérono o día 01/09/1936 e internárono no cuartel de Falanxe, onde o torturaron e obrigaron a asinar unha declaración que o inculpaba e a entregar os libros da sociedade que presidía, que lles serviron aos falanxistas para practicar novas detencións.

O día 04/11/1936 trasladárono á Colonia Penitenciaria da Illa de San Simón, Redondela (Pontevedra), de onde o sacaron o seguinte día 9 con outras dez persoas de Lalín e Arbo e asasináronos na Volta do Couto; soterrado en Tenorio. Sacáranos coa desculpa dun trasladado á cadea de Ponte Caldelas (Pontevedra).

Morte rexistrada en Tenorio a causa de disparos.

Nese lugar e data finaron asasinados polos represores seis lalinenses: Luis Frade Pazos, labrego; Eliseo Garra Lalín, funcionario; Ramiro Granja González, funcionario; José López Bermúdez; José-María Montouto Rodríguez, labrego, e Luis Varela Sobrado, canteiro. Outros cinco executados eran naturais de Arbo (Pontevedra): Juan Alonso Pérez, mestre; Alfonso Alonso Portugués, empresario agrario; José Gómez Sampayo, médico; Antonio Picallo Buela, vendedor de xornais, e Telmo Rodríguez Alonso, pensionista.

Soterráronos nunha fosa común en Cotobade.