Blanco Mariño, Francisco

Mariñeiro, 27 anos. Veciño de Basoñas, San Pedro de Muro, Porto do Son. Contramestre do bou Eva.

Procesado.

Enxuizado polos sucesos do bou Eva, un barco da baixura, cando se preparaba unha fuga de persoas das esquerdas aos que acosaban a Garda Civil e os falanxistas.

Xulgado en Vigo (Pontevedra) polo delito de adhesión á rebelión (causa instruída polo asalto ao bou Eva) co resultado de sobresemento provisorio e posto en liberdade.

Luis Álvarez González preparara o plan de fuxida do bou Eva cara Francia ou cara algún porto do Cantábrico que permanecese adepto á República.

O operativo de fuga activouse sobre as 03:00 h do día 23 de abril e os republicanos trataban de fuxir desde o porto do Berbés, en Vigo (Pontevedra), cara Francia e para escapar das represalias franquistas. Agocháronse na adega do barco e traizoounos e delatounos un mariñeiro da tripulación. Os represores asolagaron o barco con auga fría e logo auga quente para rendelos (segundo outras fontes ameazaron con asolagar o bou); os asaltados preferiron suicidarse. Todos tiñan un tiro na tempa de entrada pola esquerda, agás Ángel Nogueira, quen posiblemente matou aos compañeiros e logo suicidouse.

Nesta acción, suicidándose, morreron nove persoas de ideoloxía republicana: Luis Álvarez González, obreiro naval; Camilo Campos Méndez, barbeiro; José Losada Castelao, mestre; Manuel Martínez Maroño, mariñeiro; Carmen Miguel Agra, traballo na casa; Ángel Nogueira Nogueira, empregado (home de Carmen Miguel); Manuel Rodríguez Castelao, mestre, (medio irmán de José Losada); Fernando Rodríguez Lorenzo, albanel; José Rodríguez Lorenzo, albanel.

Da tripulación do barco sobreseron as causas contra: Juan Rodríguez Hermo, patrón; Francisco Blanco Mariño, contramestre e o marmitón Ataulfo Clambor López.

Ao cociñeiro José-Andrés Vidal Álvarez e ao mariñeiro Sebastián Carcaño Leiro, encarceráronos.

O político ferrolán Domingo Pombo López, líder do Partido Galeguista (PG) en Ferrol (A Coruña), salvouse da morte por chegar tarde á cita; cando viu todo o operativo represor, fuxiu da zona.