Cadahía Montes, Emilia

Costureira, 28 anos. Solteira. Veciña de Muradelle.

Encarcerada.

Ingresada no depósito de Chantada o día 15/12/1939 e trasladada á Prisión Provincial de Lugo o día 12/01/1940.

Xulgada en consello de guerra en Lugo polo delito de auxilio á rebelión, na causa 812/38, co resultado de sentenza a 12 anos e un día de prisión segundo resolución do día 14/05/1940. Proceso contra veciños de Chantada, Taboada e O Saviñao.

Neste proceso condenaron a 16 anos de cadea a José Benito Rodríguez; a 12 anos e un día a: Emilia Cadahía Montes, Manuel González García, Evaristo López Caseiro e Claudina Rodríguez Fernández; declararon fuxidos a: Ricardo Areán Sánchez, Benjamín Argiz Fiunte, Salvador Gil Moure, Jesús López Suárez e Victorino Quintana Vázquez; ditaron sentenza de absolución para Francisco Blanco Caseiro. Tamén procesaron, entre outras persoas, a: Manuel Gil Moure, Estrella Lamas González, Claudio Rodríguez Castro, Hilda Rodríguez Fernández, Salvador Valcárcel Montenegro e Manuel Vázquez López.

Pena conmutada pola de seis anos e un día de prisión menor.

Xulgada en consello de guerra en Lugo polo delito de rebelión militar, auxilio á rebelión e atraco, na causa 930/39. Acumulada á causa 812/38.

Neste xuízo o tribunal condenou á pena de 15 anos a José Costa Clavell; penas de 12 anos e un día para: María Montes Caseiro e Manuel Silva Calviño; autos de sobresemento para: Eladia Diéguez N. e Salvador Valcárcel Montenegro (este por falecemento anterior). Tamén procesaron a: Benjamín Argiz Fiunte, Emilia Cadahía Montes, Darío Calvo Paz, Salvador Gil Moure, Victorino Quintana Vázquez, Claudina Rodríguez Fernández, Hilda Rodríguez Fernández e José-Benito Rodríguez López.

Puxérona en liberdade o día 04/11/1940.