Cambón Rodríguez, José

Perfil histórico: Vítima da represión

Datos persoais

Situación: Paseado

Nacemento:

Santiago de Compostela

(A Coruña)

- 01/01/1903

Morte:

Betanzos

(A Coruña)

- 06/09/1936

Peón, 33 anos. Casado con Petronila Suárez Ruges; tiñan tres fillos. Veciños da rúa Recodo do Hospital, 3-2º, na Coruña.

Militante da CNT e dirixente do Comité de Obreiros Parados. Socio do Centro de Estudos Sociais Germinal.

Paseado.

Incurso no mesmo procedemento que o alcalde de Sada (A Coruña), Antonio Fernández Pita, ao que acusara con Gumersindo Gómez García de ter entregado armas requisadas aos homes dirixidos por José-Antonio Boedo Núñez, quen seguía ordes do gobernador civil da Coruña.

Xulgado en consello de guerra sumarísimo, o día 13/11/1936, no Cuartel de Atocha da Coruña polo delito de rebelión militar na causa 721/36.

Procesaron, entre outras persoas, aos xa paseados: Manuel Hermida Hermida, xornaleiro (paseado o 18/08/1936); Pedro Ramírez Menéndez, peón (paseado o 06/09/1936); Gumersindo Gómez García, peón (paseado o 06/09/1936) e José Cambón Rodríguez, peón (paseado o 06/09/1936); Antonio Fernández Pita, alcalde de Sada, pena de morte; José Moreno Torres, panadeiro, fuxido; José Platas Fernández, panadeiro, fuxido, e Luis Chamorro Castro, mariñeiro, fuxido.

Morte rexistrada por mor da aplicación da Lei de Fugas.

O seu cadáver apareceu na estrada da Estación do Norte-Betanzos, a uns 500 m desta estación, coa inscrición “en aplicación de la Ley de Fugas”.

Con el pasearon a Gumersindo Gómez García e a Pedro Ramírez Menéndez, todos testemuñas contra Fernández Pita e diante do temor da Garda Civil de que mudaran a súa testemuña diante do xuíz Benjamín Gil Sáez.

Soterrárono no cemiterio de Betanzos.