Guerreiro Rivera, Manuel

Labrego, 20 anos. Solteiro. Veciño de Santa María de Galdo, Viveiro. Irmán de Amando Guerreiro Rivera, encarcerado.

Executado.

Ingresado no depósito de Viveiro o día 27/07/1936 e trasladado á Prisión Provincial de Lugo.

Xulgado no Tribunal Militar Territorial de Lugo por incendio, na causa 250/36, co resultado de sentenza de sobresemento provisorio.

Neste xuízo contra varios veciños de Galdo ditouse auto de sobresemento para: Amando Guerreiro Rivera, Manuel Guerreiro Rivera e Daniel Rodríguez Rodríguez.

Xulgado en consello de guerra en Lugo polo delito de rebelión militar, na causa 984/36, co resultado de sentenza á pena de morte segundo resolución do día 07/12/1936. Os procesados eran veciños de Viveiro.

Neste proceso condenaron á pena de morte a Jesús Bellas Cao (xulgado en varias causas), Manuel Guerreiro Rivera e Ángel Varela Freijeiro; castigos de cadea perpetua para: Ramón Guerreiro González e Modesto Rivera Quintana e ditouse auto de sobresemento provisorio para Vicente-Secundino Ferro Sánchez. A sentenza declarou fuxidos a: José López Sánchez, Manuel Pérez Bermúdez e Claudio Quelle Cociña.

Fusilado ás 08:00 h nas tapias do cuartel da Garda Civil en Lugo.

Executaron os veciños de Viveiro: Ángel Fraga Orosa, Manuel Guerreiro Rivera, César Parapar Sueiras, Javier-Victoriano Soto Valenzuela e Ángel Varela Freijeiro.