Rodríguez Caamaño, Cándido

Labrego e político, 37 anos. Veciño de Ogas.

Concelleiro de Vimianzo nas eleccións municipais de 1936 por Esquerda Republicana (ER), da que era presidente nesta localidade. Desenvolvía a concellería cando se produce o golpe de Estado.

Tiña como compañeiros na Corporación de Vimianzo de 1936, entre outras persoas, a: José Castro Miñones, sancionado; Manuel Vidal Martínez, executado; Alejandro Lema Trillo, fuxido; Víctor Vázquez Varela, sancionado; José Alborés Gándara (alcalde), encarcerado; Julio Moreira Gándara, sancionado; Antonio Gándara Oreiro, sancionado; José Ogando Lage, sancionado; José Lavandeira Valiña, sancionado; Ramón Suárez García, sancionado; José Caamaño Lema, executado; Manuel Alborés Gándara, executado.

Encarcerado. Sancionado.

Xulgado en consello de guerra na Coruña polo delito de rebelión, na causa 515/37, co resultado de sentenza a cadea perpetua.

Neste xuízo castigaron a cadea perpetua a: Eliseo-Antonio Lastres López, José Mouzo Díaz e Cándido Rodríguez Caamaño; penas de 20 anos de cadea para: Jesús Conde Lema e Manuel Lorenzo Pérez; sentenzas de 12 anos de prisión para: José Lorenzo Pérez, Manuel Lourido Pérez, Andrés Tajes Miñones e José Tajes Tajes; ditaron auto de absolución para Fernando Broncano Ciprián.

Castigado cunha multa de 13.000 pesetas.

Pena ordinaria conmutada pola comisión de exame de penas da Coruña.