Seoane Bouso, Venancio

Labrego, 28 anos. Solteiro. Veciño de Madrid.

Militante do PCE.

Encarcerado. Morte en enfrontamento.

Activo na clandestinidade desde o ano 1938.

No mes de novembro de 1938 Luis-María Trigo Chao, o Gardarríos, formou a Agrupación Tchapaief (ou Agrupación Chapa) na bisbarra de Ortegal e a Mariña luguesa, na provincia de Lugo; a primeira agrupación guerrilleira de Galicia.

Por esta agrupación pasaron, entre outras persoas: Mozart Campoamor García; Antonia-Josefa-Liria Díaz Pérez; Germán Méndez García; Víctor Otero, o Valiño; Arcadio Pardo Boas; Venancio Seoane Bouso; e Modesto Vilar Insua, Modesto da Americana. Actuaban nas bisbarras de Ortegal e na Mariña lucense. A súa actividade guerrilleira comezou en 1939 no norte da provincia de Lugo, nas zonas de Lourenzá, Abadín, Viveiro e Mondoñedo.

Ingresado na Prisión Provincial de Lugo o día 29/12/1939 e trasladado a cárceres de Madrid o día 16/04/1940.

No ano 1946 racha co grupo de Luis-María Trigo e sumouse a guerrilla comunista do Exército Guerrilleiro de Galicia (EGG).

Pertenceu ao grupo de Jesús-María Iglesias Escourido, o Tizón, con Leonardo Gómez Pérez, Trancas, e José Balea, entre outras persoas.

Morre no monte nun enfrontamento coas forzas represoras da Garda Civil no ano 1948.

Por mor do seu pasamento o Tribunal Militar Territorial de Lugo incoou a causa 589/48, que rematou co resultado de sentenza de sobresemento segundo resolución do día 30/11/1948.