Taboada Novoa, Antonio

Tipógrafo, 28 anos. Casado. Veciño de San Bieito de Cabeza de Vaca. Traballou na Cooperativa Gráfica Ourensá, onde se publicaba o xornal Espartaco.

Militante das Xuventudes Socialistas (XXSS) de Ourense desde o ano 1932. Membro da Sociedade de Tipógrafos, da UXT. Dirixente da Casa do Pobo de Ourense. Militante do PSOE e candidato por este partidos nas eleccións xerais de 1936.

Fuxido. Executado.

Despois do golpe militar fuxiu ata o día 02/12/1936, data na que o detiveron os franquistas.

Xulgado en consello de guerra en Ourense o día 22/05/1937 polo delito de rebelión militar, na causa 598/36, co resultado de sentenza á pena de morte.

Neste xuízo condenaron á pena de morte a: Marcial García Barros, Higinio López Barrio, Eduardo París Villar, Manuel Suárez Castro, Antonio Taboada Novoa e Bernabé Vecino Martín; pena de cadea perpetua para Anselmo López García; pena de 12 anos e un día para Marcelino Otaduy Vázquez; a sentenza declarou fuxidos a: Gumersindo Núñez Muñoz e Germán Rodríguez Yáñez.

Fusilárono os golpistas no Campo de Aragón do Cuartel de San Francisco, en Ourense.

Nese mesmo día e lugar fusilaron a: Antonio Colmenero Villamarín, obreiro; Ramón Figueiras Añel, carpinteiro; Camilo Gago González, obreiro; José González González, labrego; Higinio López Barrio, alguacil; Eduardo París Villar, avogado; Manuel Suárez Castro, canteiro, e Antonio Taboada Nóvoa, tipógrafo.