Gabeiras Barro, Juan

Fillo de Encarnación Gabeiras Barro.

Fuxido. Morte en enfrontamento.

Incorporouse á guerrilla antifranquista en maio de 1949.

Cando os guerrilleiros, diante da presión da Garda Civil, decidiron abandonar en maio de 1949 a base que tiñan na Cernada, Santa María do Deveso, As Pontes de García Rodríguez (A Coruña), varios mozos da contorna, aos que adoutrinou Francisco Rey Balbís, Moncho, uníronse para non ir ao servizo militar e marcharon con eles. Tomaron esta decisión de incorporarse á guerrilla Juan Freire Barcia, que xa era enlace, José Freire Barcia, Juan Gabeiras Barro e José Seijo.

No enfrontamento dos homes de Adolfo-Cipriano Allegue Allegue, Riqueche, cos gardas civís en Pazos, Monfero (A Coruña), o día 31/10/1949, dérano por morto nunha primeira identificación ao confundilo con José Remuiñán Barreiro, Ricardito. Identificado á forza pola súa nai Encarnación Gabeiras Barro, pero ela sabía de certo que aquel corpo desfigurado non era o do seu fillo Juan.

O día 18/07/1951 morreu abrasado, xunto con Manuel Bastida Franco, Chone, nunha casa do Tellado na que se agochaban e á que prendera lume a Garda Civil.