Kindelán Duany, Alfredo

Militar e aviador, 57 anos. Monárquico. Considerado o fundador do actual Exército do Aire. Participou cunha escuadrilla de aeroplanos nas primeiras actuacións desta arma na Guerra de Marrocos. En 1926 era director xeral de Aeronáutica, etapa de éxitos aéreos, coma o vo do Plus Ultra. En 1927 a arma de Aviación nace como independente das outras armas. En 1929 ascende a xeneral de brigada.

Ao proclamarse a II República exiliouse en Francia e logo en Suíza. En 1934 regresa a España para colaborar activamente na preparación do golpe de Estado de 1936.

Golpista.

En setembro de 1936 Francisco Franco Bahamonde era o candidato mellor colocado para asumir o mando de todo o Exército. Emilio Mola Vidal rechazaba como herdeiro da coroa a Juan de Borbón, Franco aceptábao, e isto entregoulle tamén aos monárquicos. O día 28/09/1936, en Salamanca, a Franco nomeárono "Xeneralísimo", sobre todo por contar cos apoios dos xenerais Alfredo Kindelán Duany, Nicolás Franco Bahamonde, Luis Orgaz Yoldi, Juan Yagüe Blanco e José Millán-Astray Terreros. Incluso chegou a contar coa conformidade reservada de Mola. Só Miguel Cabanellas Ferrer, que o tivera baixo ás súas ordes en África, se opuxo, temendo que se convertera no ditador no que logo se converteu.

Na Junta de Defensa Nacional, Franco nomeouno xefe do Aire, facéndose cargo das forzas aéreas dos fascistas, incluídas as alemás e as italianas. O seu apoio a Franco como "Xeneralísimo" debeuse a súa confianza en que restauraría a monarquía.

Ao remate da guerra, considerábao como un igual e premíao para que rematase aquela situación de rexencia e instaurase a Alfonso XIII.

Franco non lle concedeu o Ministerio do Aire. Diante da Segunda Guerra Mundial mantívose como partidario dos aliados e cando Franco pretendeu aliarse con Adolf Hitler; Kindelán, que tiña moitos apoios entre os militares, ameazouno cun golpe de Estado para restaurar a monarquía.

Este apoio á monarquía custoulle que Franco o enviara á prisión; dada a súa avanzada idade, desterrárono ás Illas Canarias en 1946.

Nomeado Marqués de Kindelán no ano 1961.