Rivero de Aguilar Otero, Ramón

Fiscal, avogado e político. Casou en 1931 con María-Mercedes Díaz de Rábago Paseiro; cando esta morreu casou coa súa cuñada María-Teresa Díaz de Rábago Paseiro. Estudou Dereito na Universidade de Santiago de Compostela (USC), rematando no ano 1923 e en 1925 xa era profesar auxiliar na Facultade de Dereito da USC. En 1930 aprobou as oposicións de fiscais e destinárono a Pontevedra; en 1933 era fiscal na Audiencia da Coruña.

Represor.

Cando se produce o triunfo do golpe militar presentouse voluntario na auditoría de guerra da VIII División Orgánica na Coruña e nomeárono fiscal co grao de tenente auditor, actuando en numerosos consellos de guerra.

Exerceu como fiscal en moitos consellos de guerra, entre eles o de Alejandro Bóveda Iglesias, para o que solicitou e conseguiu a sentenza de pena de morte, e o de Jacobo Zbarsky Kuper.

Despois de ser fiscal de Taxas en varias capitais españolas, en xaneiro de 1945 era fiscal provincial de Facenda en Pontevedra, cargo que desenvolveu ata 1950. No ano 1954 era fiscal do Tribunal Supremo.

Foi moi amigo do ditador Francisco Franco Bahamonde.

Nunca sentiu pesar ou remordementos, entón ou máis tarde, pesar ou desgusto polo sucedido. Asasinaron con premeditación e aleivosía ditando sentenzas inxustas e egoístas para “salvar la religión y el orden social” segundo a súa xustificación.

Faleceu nun accidente de aviación no aeroporto de Barajas, en Madrid, coa súa dona.