Baamonde Carreiras, Antonio

Labrego, 25 anos. Casado. Veciño de Muras.

Secretario da Agrupación Socialista (AS) de Muras no ano 1933. Membro da UXT.

Encarcerado.

Ingresado no depósito de Viveiro (Lugo) o día 19/08/1936 e trasladado á Prisión Provincial de Lugo.

Xulgado en consello de guerra en Lugo o día 16/01/1937 polo delito de rebelión militar, na causa 801/36, co resultado de sentenza a cadea perpetua. Neste proceso xulgaron a varios veciños de Láncara, Muras, Ourol e Viveiro, todos na provincia de Lugo.

A correspondente sentenza ditou pena de morte para: Jesús Bellas Cao (xulgado en varias causas), José Felpeto Gómez (conmutada pola de cadea perpetua) e Antonio Lafuente Jiménez. A cadea perpetua castigaron a: Antonio Baamonde Carreiras, Luis-Enrique Baamonde Peón, Antonio-María Carreiras Pita, Jesús Fernández Fernández, Jesús Guzmán Carreiras, José-María Pérez Rego, José Prado Palo e Francisco Vidal Baamonde. Cadea de 12 anos e un día para Francisco Cora García e Alejandro Temblás Paz. Tamén condenaron a prisión a Modesto Riguera Díaz. O auto declarou fuxido a José Temblás Paz.

Tamén o procesaron por rebelión e auxilio á rebelión na causa 906/36 e na causa 907/36.

Interno na Prisión Provincial de Lugo, concédenlle a liberdade condicional o 30/12/1940.

Xulgárono en Lugo por relación con bandoleiros na causa 39/50.