Baamonde Peón, Luis-Enrique

Labrego, 57 anos. Viúvo. Veciño da Cabanela, San Pedro de Muras, Muras.

Vogal da Agrupación Local do PSOE en Muras no ano 1933. Membro da UXT.

Encarcerado.

Prendérono os fascistas e ingresárono no depósito de Viveiro o día 19/08/1936; trasladado á Prisión Provincial de Lugo.

Xulgado en consello de guerra en Lugo o día 16/01/1937 polo delito de rebelión militar, na causa 801/36, co resultado de sentenza a cadea perpetua. Neste proceso xulgaron a varios veciños de Láncara, Muras, Ourol e Viveiro, todos na provincia de Lugo.

A correspondente sentenza ditou pena de morte para: Jesús Bellas Cao (xulgado en varias causas), José Felpeto Gómez (conmutada pola de cadea perpetua) e Antonio Lafuente Jiménez. A cadea perpetua castigaron a: Antonio Baamonde Carreiras, Luis-Enrique Baamonde Peón, Antonio-María Carreiras Pita, Jesús Fernández Fernández, Jesús Guzmán Carreiras, José-María Pérez Rego, José Prado Palo e Francisco Vidal Baamonde. Cadea de 12 anos e un día para Francisco Cora García e Alejandro Temblás Paz. Tamén condenaron a prisión a Modesto Riguera Díaz. O auto declarou fuxido a José Temblás Paz.

Tamén o procesaron en Lugo polos delitos de rebelión e auxilio á rebelión, na causa 906/36 e na causa 907/36.

Pena ordinaria conmutada pola comisión de exame de penas de Lugo.

Enviado á Prisión Provincial da Coruña o 20/03/1937.

Ingresado na Colonia Penitenciaria da Illa de San Simón, Redondela (Pontevedra) o día 09/03/1939, onde desenvolveu unha grave enfermidade hepática que máis tarde o levaría á morte. Puxérono en liberdade condicional que se publicou no BOE nº 90 do día 31/03/1941.

Procesárono en Lugo por responsabilidades civís, no expediente 285/37, co resultado de embargo de bens.