Pérez Rego, José-María

Mineiro e xornaleiro, 28 anos. Casado. Veciño de Muras (Lugo).

Militante da UXT en Lugo.

Encarcerado.

Prendérono despois do golpe de Estado e ingresárono na Prisión Provincial de Lugo o día 28/02/1937.

Xulgado en consello de guerra en Lugo o día 16/03/1937 polo delito de rebelión militar, na causa 801/36, co resultado de sentenza a cadea perpetua segundo resolución do día 21/01/1937. Neste proceso xulgaron a varios veciños de Láncara, Muras, Ourol e Viveiro, todos na provincia de Lugo.

O correspondente auto resolutorio ditou pena de morte para: Jesús Bellas Cao (xulgado en varias causas), José Felpeto Gómez (conmutada pola de cadea perpetua) e Antonio Lafuente Jiménez. A cadea perpetua castigaron a: Antonio Baamonde Carreiras, Luis-Enrique Baamonde Peón, Antonio-María Carreiras Pita, Jesús Fernández Fernández, Jesús Guzmán Carreiras, José-María Pérez Rego, José Prado Palo e Francisco Vidal Baamonde. Cadea de 12 anos e un día para: Francisco Cora García e Alejandro Temblás Paz. Tamén condenaron a prisión a Modesto Riguera Díaz. O auto declarou fuxido a José Temblás Paz.

Xulgado no Tribunal Militar Territorial de Lugo na causa 906/36 e na causa 907/36.

Pena ordinaria conmutada pola comisión de exame de penas de Lugo e concédeselle a prisión atenuada o día 03/08/1940.

Procesárono en Lugo por responsabilidades políticas e indultárono no ano 1960.