Martínez Nouche, Luis

Funcionario e político, 33 anos. Veciño da rúa Costa Vella, 11, en Santiago de Compostela. Inspector xefe de Arbitrios do Concello de Santiago de Compostela.

Militante do Partido Federal (PF).

Executado.

Cando se produce a sublevación militar colaborou co Comité de Defensa da República da Fronte Popular (FP) na cidade compostelá e participou como axente do dito comité na requisa de armas.

Xulgado en consello de guerra en Santiago de Compostela o día 19/11/1936 polo delito de traizón, na causa 231/36, co resultado de sentenza á pena de morte.

Xuízo contra os 12 membros do Comité de Defensa da República da Fronte Popular (FP) en Santiago de Compostela.

O tribunal condenou neste caso á pena de morte a: Fernando Barcia Beiras, José-Eduardo Carnero Valenzuela, Rafael Frade Peña, José Germán Fernández, Luis Martínez Nouche, Manuel Maroño Calvo, Rafael Pardo Carmona, Modesto Pasín Noya, Francisco Ponte Ces e Luis Rastrollo González; castigaron a cadea perpetua a: Jesús-Juan Lema Lema, Marcial Pérez Martínez e Jesús Vieiro Gómez.

Fusilárono os franquistas no cemiterio de Boisaca.

Nesta operación represora fusilaron a: Fernando Domínguez Caamaño, funcionario; Rafael Frade Peña, estudante; José Germán Fernández, político; José Maroño Calvo, tipógrafo; Manuel Maroño Calvo, tipógrafo; Luis Martínez Nouche, funcionario; Rafael Pardo Carmona, mestre; Modesto Pasín Noya, pintor; Francisco Ponte Ces, zapateiro, e Luis Rastrollo González, mestre.