Rastrollo González, Luis

Mestre e sindicalista, 28 anos. Casado cunha farmacéutica. Veciños de Santiago de Compostela desde 1935. Mestre nacional e licenciado en Dereito. Estudante de Medicina na Universidade de Santiago de Compostela (USC).

Membro do Partido Obreiro de Unificación Marxista (POUM), no que se desenvolveu como secretario xeral da federación galega no ano 1935. Secretario local da Federación de Traballadores da Ensinanza da UXT (FETE-UXT) na capital compostelá.

Executado.

No momento de producirse o alzamento golpista Fernando Barcia Beiras preside o Comité de Defensa da República que tratou de frear a sublevación militar. Neste comité estiveron: José Miguel Alcalde, Celestino Barcia, Fernando Barcia Beiras, Francisco Fernández del Riego, Rafael Frade Peña, Samuel Gómez, Jesús Hortas, Juan López Touriño, Manuel Maroño Calvo, Ricardo Nogueira, Domingo Pardo Corredoira, Modesto Pasín Noya, José Pasín Romero, Luis Rastrollo González, Jesús Rodríguez, Ricardo Rosende, Cándido Sánchez Rodríguez, Jesús Vieiro Gómez, José Vila, Marcial Villamor Varela. Luis figuraba na representación do POUM. Prendérono os golpistas.

Xulgado en consello de guerra en Santiago de Compostela o día 19/11/1936 polo delito de traizón, na causa 231/36, co resultado de sentenza á pena de morte.

Xuízo contra os 12 membros do Comité de Defensa da República da Fronte Popular (FP) en Santiago de Compostela.

O tribunal condenou neste caso á pena de morte a: Fernando Barcia Beiras, José-Eduardo Carnero Valenzuela, Rafael Frade Peña, José Germán Fernández, Luis Martínez Nouche, Manuel Maroño Calvo, Rafael Pardo Carmona, Modesto Pasín Noya, Francisco Ponte Ces e Luis Rastrollo González; castigaron a cadea perpetua a: Jesús-Juan Lema Lema, Marcial Pérez Martínez e Jesús Vieiro Gómez.

Fusilárono os golpistas no cemiterio de Boisaca.

Nesta operación represora executaron nas tapias do cemiterio de Boisaca a: Fernando Domínguez Caamaño, funcionario; Rafael Frade Peña, estudante; José Germán Fernández, político; José Maroño Calvo, tipógrafo; Manuel Maroño Calvo, tipógrafo; Luis Martínez Nouche, funcionario; Rafael Pardo Carmona, mestre; Modesto Pasín Noya, pintor; Francisco Ponte Ces, zapateiro, e Luis Rastrollo González, mestre.

Procesárono por responsabilidades políticas e indultárono no ano 1946.

Outras fontes sinalan que naceu en Torrecilla, Guadalcanal (Sevilla)