Gastiasoro Ruiz de Azúa, Gumersindo

Mestre e político, 58 anos. Veciño de Santa María de Darbo, Cangas (Pontevedra). Mestre nacional de San Vicente de Coucieiro, Paderne de Allariz (Ourense), San Paulo de Río Barba, O Vicedo (Lugo) e, desde os anos trinta, de Darbo.

Membro da Federación de Traballadores da Ensinanza da UXT (FETE-UXT) e afiliado a Esquerda Republicana (ER).

Encarcerado. Depurado.

Arrestárono os franquistas despois do golpe de Estado.

Xulgado en consello de guerra en Pontevedra o día 12/05/937 polo delito de rebelión militar, na causa 790/36, co resultado de sentenza a cadea perpetua.

O tribunal militar condenou á pena de morte a: Lorenzo-Santiago-Victoriano Corbacho Rodal, Agustín Jorge Etcheverri, Antonio Fernández Fernández, José Meis Martínez, José-Manuel Millán Costas, Víctor Sánchez Mártil e Antonio Varela Vázquez; castigaron coa cadea perpetua a: José-Miguel Carracelas Álvarez, Germán Chapela Leiro, Francisco Cordeiro Refojo, Gumersindo Gastiasoro Ruiz de Azúa, Serafín Gómez González, Joaquín-José Nores Rodríguez e José-Modesto Rodal Lanzós; penas de 20 anos de cadea para Ismael Costas Caamaño; sentenzas de 12 anos e un día para: Manuel Díaz Carballo, Manuel González Dantas, Manuel Sotelo Alonso, Juan Valladares Taboada e Valentín Villar Soliño; pena de seis anos e un día para Evaristo Dobarro Landín; tamén sentenciaron á cadea a Eduardo García Santos; ditaron auto de absolución para: Eugenio Bermúdez Piñeiro, Ramón Costas Otero, Rafael Rodal Lanzós e Manuel Sotelo Suárez; sobresemento para: Indalecio Cruz Ramos; declararon fuxido a José Moreira Espiño. Tamén enxuizaron a: Aniceto Franco Durán, Estanislao Mallo Martínez, Jesús-Daniel Millán Costas, Rufino Miranda Cabral, Ángel-Emilio Nores Rodríguez, Manuel Piñeiro Pastoriza, Ángel Rial Vidal, Camilo Rodal Rodal, Secundino Ruibal Villar, Vicente Sáez Ruiz, Luis Soliño Acuña e Adonis-Jesús Teixeira Alonso.

Pena conmutada pola de catro anos de prisión menor.

Ábreselle un expediente de responsabilidades políticas en decembro de 1939. Multárono con 100 pesetas.

Separado do servizo e dado de baixa na escala de mestres nacionais o día 11/05/1940.