Dobarro Landín, Evaristo

Serrador, 18 anos. Solteiro. Veciño de Cangas.

Militante das Xuventudes Socialistas Unificadas (XSU), da UXT e do PSOE.

Encarcerado. Sancionado.

Xulgado en consello de guerra en Pontevedra polo delito de rebelión militar, na causa 790/36, co resultado de sentenza a seis anos e un día de cadea. O fiscal pedira 20 anos de prisión.

O tribunal militar condenou á pena de morte a: Lorenzo-Santiago-Victoriano Corbacho Rodal, Agustín Jorge Etcheverri, Antonio Fernández Fernández, José Meis Martínez, José-Manuel Millán Costas, Víctor Sánchez Mártil e Antonio Varela Vázquez; castigaron coa cadea perpetua a: José-Miguel Carracelas Álvarez, Germán Chapela Leiro, Francisco Cordeiro Refojo, Gumersindo Gastiasoro Ruiz de Azúa, Serafín Gómez González, Joaquín-José Nores Rodríguez e José-Modesto Rodal Lanzós; penas de 20 anos de cadea para Ismael Costas Caamaño; sentenzas de 12 anos e un día para: Manuel Díaz Carballo, Manuel González Dantas, Manuel Sotelo Alonso, Juan Valladares Taboada e Valentín Villar Soliño; pena de seis anos e un día para Evaristo Dobarro Landín; tamén sentenciaron á cadea a Eduardo García Santos; ditaron auto de absolución para: Eugenio Bermúdez Piñeiro, Ramón Costas Otero, Rafael Rodal Lanzós e Manuel Sotelo Suárez; sobresemento para: Indalecio Cruz Ramos; declararon fuxido a José Moreira Espiño. Tamén enxuizaron a: Aniceto Franco Durán, Estanislao Mallo Martínez, Jesús-Daniel Millán Costas, Rufino Miranda Cabral, Ángel-Emilio Nores Rodríguez, Manuel Piñeiro Pastoriza, Ángel Rial Vidal, Camilo Rodal Rodal, Secundino Ruibal Villar, Vicente Sáez Ruiz, Luis Soliño Acuña e Adonis-Jesús Teixeira Alonso.

Pena ordinaria conmutada pola comisión de exame de penas de Pontevedra e concédeselle a liberdade condicional no ano 1940.

En 1940 castigárono cunha multa de 50 pesetas por responsabilidades políticas.

Con posterioridade ingresárono no psiquiátrico de Conxo, en Santiago de Compostela (A Coruña).