Piñeiro Pastoriza, Manuel

Empregado, sindicalista e político, 31 anos. Veciño da rúa Méndez Núñez, en Cangas. Emigrado en Bos Aires (República Arxentina), de onde retornou no ano 1928.

Militante da CNT e presidente de Alianza Marinera. No ano 1935 era secretario da Sociedade de Atadores e Conserveiros La Reivindicadora de Cangas.

Paseado.

No momento do golpe rebelde prendérono os falanxistas de Cangas.

Xulgado en consellos de guerra en Pontevedra polo delito de rebelión na causa 790/36.

O tribunal militar condenou á pena de morte a: Lorenzo-Santiago-Victoriano Corbacho Rodal, Agustín Jorge Etcheverri, Antonio Fernández Fernández, José Meis Martínez, José-Manuel Millán Costas, Víctor Sánchez Mártil e Antonio Varela Vázquez; castigaron coa cadea perpetua a: José-Miguel Carracelas Álvarez, Germán Chapela Leiro, Francisco Cordeiro Refojo, Gumersindo Gastiasoro Ruiz de Azúa, Serafín Gómez González, Joaquín-José Nores Rodríguez e José-Modesto Rodal Lanzós; penas de 20 anos de cadea para Ismael Costas Caamaño; sentenzas de 12 anos e un día para: Manuel Díaz Carballo, Manuel González Dantas, Manuel Sotelo Alonso, Juan Valladares Taboada e Valentín Villar Soliño; pena de seis anos e un día para Evaristo Dobarro Landín; tamén sentenciaron á cadea a Eduardo García Santos; ditaron auto de absolución para: Eugenio Bermúdez Piñeiro, Ramón Costas Otero, Rafael Rodal Lanzós e Manuel Sotelo Suárez; sobresemento para: Indalecio Cruz Ramos; declararon fuxido a José Moreira Espiño. Tamén enxuizaron a: Aniceto Franco Durán, Estanislao Mallo Martínez, Jesús-Daniel Millán Costas, Rufino Miranda Cabral, Ángel-Emilio Nores Rodríguez, Manuel Piñeiro Pastoriza, Ángel Rial Vidal, Camilo Rodal Rodal, Secundino Ruibal Villar, Vicente Sáez Ruiz, Luis Soliño Acuña e Adonis-Jesús Teixeira Alonso.

Morte rexistrada ás 03:00 h por mor de disparos; paseárono baixo o pretexto dun traslado a Pontevedra e os asasinos xustificaron o pasamento pola aplicación da Lei de Fugas.

O seu cadáver apareceu no Pazo da Revolta, en Mogor.

Procesado tamén polo Tribunal Militar Territorial de Pontevedra na causa 1068/37.