Alvite Alonso, Cipriano

Carpinteiro, sindicalista e político, 28 anos. Casado; tiñan catro fillos. Veciños da rúa Linares Rivas, 4 baixo, na Coruña.

Socio do Centro de Estudos Sociais Germinal. Secretario do Sindicato Único da Madeira e da Construción da Coruña, vencellado á CNT. Delegado do comité da Federación Local Obreira (FLO).

Paseado.

A raíz do golpe militar detivérono con outros dirixentes sindicais e acusárono dos delitos de desobediencia e de incumprimento dos bandos de guerra por manter a folga xeral.

Xulgado en consello de guerra na Coruña por tenencia de explosivos, na causa 332/36.

O tribunal ditou sentenza de sobresemento para Andrés Allegue Dopico e Eladio Muíños Díaz. Tamén se procesou neste expediente a: Cipriano Alvite Alonso e José Boedo López, que morreron paseados.

Morte rexistrada no Campo da Rata, na Coruña, a causa de ser pasado polas armas polos falanxistas.

O día 09/08/1936 asasinaron a: Cipriano Alvite Alonso, carpinteiro; Francisco Ballón Pequeño, peón; José Quintas Pena, electricista; Jaime Rodríguez García, metalúrxico; Julio Sabio Sanmartín, empregado, e Venancio Seoane García, camareiro.

Soterrárono o día 9 de agosto nunha fosa común no cemiterio de San Amaro, na Coruña, con Francisco Ballón Pequeño, José Quintas Pena, Jaime Rodríguez García, Julio Sabio Sanmartín, Venancio Seoane García e un descoñecido duns 50 anos. Trasladárono a un nicho en febreiro de 1942.