Arrojo Suárez, Claudio

Labrego e político, 42 anos. Casado. Veciño de Eixibrón, San Pedro de Tortes, Becerreá. Carteiro de Tortes desde 1925. Irmán de Julia Arrojo Suárez, procesada.

Militante de Esquerda Republicana (ER). Concelleiro de Becerreá en 1931 e por ER no ano 1936, dentro da coalición da Fronte Popular (FP).

Fuxido. Executado.

Nos días seguintes á sublevación militar escapou ao monte.

Xulgado en Lugo co resultado de ser declarado fuxido e en rebeldía. Máis tarde preséntase.

Ingresado no depósito de Becerreá o día 05/09/1937 e trasladado á Prisión Provincial de Lugo.

Xulgado en consello de guerra en Lugo o día 18/01/1938 polo delito de adhesión a rebelión, na causa 190/37, co resultado de sentenza á pena de morte segundo resolución do 06/03/1938. Proceso contra varios veciños de Becerreá, Baralla, Cervantes e As Nogais.

Pena conmutada pola de cadea perpetua.

Neste xuízo condenaron á pena de morte a: Manuel Fernández Núñez, Luis García Vázquez e Manuel Villares Gómez; tamén condenaron á mesma pena, logo conmutada pola de cadea perpetua a: Claudio Arrojo Suárez, Manuel Fernández López, Jesús-Salvador García Vázquez, José González Rivero, Pedro Gutiérrez Gutiérrez, Nicomedes Lamas Díaz, José-María Maseda Alonso e Abel Valcárcel Puente.

Sentenciaron a cadea perpetua a: Isidoro Bao Poy, David Cercedo Fernández, Bautista Díaz Neira, Ricardo Doval Darriba, Adolfo-Manuel Fernández Díaz, Jesús Fernández Méndez, Camilo García González, Ricardo García Santín, Facundo González Simón, Jesús González Simón, Balbino López González, Emilio Núñez Cabana, Eliseo Rey Seijas, Amadeo Rivero Gómez e Ricardo Vázquez García.

Pena de 12 anos e un día de prisión para: José Arrojo Otero, Constantino Bendoiro Carballo, Ramiro García Rodríguez, Román González Pereira, Canuto Rey Fernández e José Santiso Pereira.

Castigos de seis anos de cadea para: José Fernández López e Manuel Fernández Sánchez de Poy.

As sentenzas de absolución beneficiaron a: Daniel Bao Ferreiro, Lucas Cabana López, Felipe Díaz García, Emilio Fernández Núñez, José-María Freijo López, Nicolás Freijo López, Triburcio-N. Gómez, Nicasio López Sanjurjo e Adolfo Pérez Mendoza.

O auto declarou fuxidos e en rebeldía a: Luis-Antonio Álvarez Pombo, Eduardo Castro Vázquez, Faustino Cela Sanmartino, Herminio Doval Núñez, Ricardo Eirós González, Manuel Fernández Rey, Constantino Pereira, Antonio Ulloa Regueiro, Ricardo Varela Roibás e Casimiro Villares Quintana.

Abel Rodríguez Cabana morreu na cadea antes de que se ditara a sentenza.

Executárono ás 06:00 h nas tapias do cuartel da Garda Civil en Lugo.

Morte rexistrada en Lugo por mor de feridas mortais na cabeza.

No ano 1938 procesárono por responsabilidades políticas, sancionárono en 1940 e despois de pagar a sanción económica “recobrou a libre disposición dos seus bens”.