Villares Quintana, Casimiro

Mestre, 23 anos. Solteiro. Veciño da Horta, San Xoán de Agüeira, Becerreá. Estudou Maxisterio na Escola Normal de Santiago de Compostela (A Coruña). Mestre interino en Neira de Xuxá (Becerreá) en 1922/1933. No ano 1936 era mestre interino en Horta.

Fuxido. Depurado. Executado.

Despois do alzamento faccioso foxe.

Os fascistas depurárono como mestre no mes de setembro de 1936, separárono do servizo e dérono de baixa na escala de mestres en febreiro de 1940.

Xulgado en consello de guerra en Lugo polo delito de rebelión militar, na causa 767/36, co resultado de ser declarado fuxido e en rebeldía.

Xulgado en consello de guerra en Lugo o día 18/01/1938 polo delito de rebelión militar, na causa 190/37, tamén co resultado de ser declarado fuxido e en rebeldía. Proceso contra varios veciños de Becerreá, Baralla, Cervantes e As Nogais.

Neste xuízo condenaron á pena de morte a: Manuel Fernández Núñez, Luis García Vázquez e Manuel Villares Gómez; tamén condenaron á mesma pena, logo conmutada pola de cadea perpetua a: Claudio Arrojo Suárez, Manuel Fernández López, Jesús-Salvador García Vázquez, José González Rivero, Pedro Gutiérrez Gutiérrez, Nicomedes Lamas Díaz, José-María Maseda Alonso e Abel Valcárcel Puente.

Sentenciaron a cadea perpetua a: Isidoro Bao Poy, David Cercedo Fernández, Bautista Díaz Neira, Ricardo Doval Darriba, Adolfo-Manuel Fernández Díaz, Jesús Fernández Méndez, Camilo García González, Ricardo García Santín, Facundo González Simón, Jesús González Simón, Balbino López González, Emilio Núñez Cabana, Eliseo Rey Seijas, Amadeo Rivero Gómez e Ricardo Vázquez García.

Pena de 12 anos e un día de prisión para: José Arrojo Otero, Constantino Bendoiro Carballo, Ramiro García Rodríguez, Román González Pereira, Canuto Rey Fernández e José Santiso Pereira.

Castigos de seis anos de cadea para: José Fernández López e Manuel Fernández Sánchez de Poy.

As sentenzas de absolución beneficiaron a: Daniel Bao Ferreiro, Lucas Cabana López, Felipe Díaz García, Emilio Fernández Núñez, José-María Freijo López, Nicolás Freijo López, Triburcio-N. Gómez, Nicasio López Sanjurjo e Adolfo Pérez Mendoza.

O auto declarou fuxidos e en rebeldía a: Luis-Antonio Álvarez Pombo, Eduardo Castro Vázquez, Faustino Cela Sanmartino, Herminio Doval Núñez, Ricardo Eirós González, Manuel Fernández Rey, Constantino Pereira, Antonio Ulloa Regueiro, Ricardo Varela Roibás e Casimiro Villares Quintana.

Abel Rodríguez Cabana morreu na cadea antes de que se ditara a sentenza.

Xulgado no Tribunal Militar Territorial de Lugo polo delito de rebelión, auxilio á rebelión e roubo na causa 853/37.

Xulgado no Tribunal Militar Territorial de Lugo polo delito de auxilio á rebelión, na causa 304/39, co resultado de ser declarado fuxido e en rebeldía segundo resolución do día 08/07/1939.

No xuízo procesaron a David Roda Herbón, ditaron auto de sobresemento para Casimiro Villares Quintana e declararon fuxido a Antonio Ulloa Regueiro.

Xulgado en consello de guerra en Lugo polo delito de auxilio á rebelión, na causa 937/39, co resultado de sentenza a prisión segundo resolución do día 26/05/1943.

Neste proceso condenaron a prisión a Casimiro Villares Quintana e ditouse auto de sobresemento definitivo para os irmáns: Alfredo Núñez Vega, Ángel Núñez Vega e Manuel Núñez Vega.

Prendérono os franquistas e ingresárono na Prisión Provincial de Lugo o día 09/02/1940.

Trasladado ao cárcere de Oviedo o día 25/11/1940.

Xulgado en consello de guerra en Xixón co resultado de sentenza á pena de morte.

Fusilárono os franquistas en Xixón e soterrárono nunha fosa común.