Paradela Barros, Marcos

Morte en enfrontamento.

Compañeiro sentimental de Clementina Gallego Abeledo. En 1948 Clementina convenceuno para que se incorporara á guerrilla antifranquista. A súa limitación física víase compensada por unha áxil mente que empregaba moi ben para a confección de propaganda no Eume.

Á súa compañeira prendérona en Irurzun (Navarra) en xullo de 1948, cando acompañaba cun cargamento de armas cara Galicia a Juan-José Romero Ramos. A ela condenárona a prisión na Coruña, no mesmo xuízo no que se condenou á morte a José Gómez Gayoso, Juan, Carlos, López, e a Antonio Seoane Sánchez, Julián, Jorge.

Paradela Ramos foi un dos guerrilleiros que se acubillou na casa da Cernada, Santa María do Deveso, As Pontes de García Rodríguez (A Coruña), que era propiedade de Rafael Freire Lamas, pai dos Freire Barcia. Pola súa coxeira era un dos que máis tempo pasaron naquela casa, como José-Antonio Castro López, Tucho, que padecía do corazón e María dos Remedios Gallego Abeledo, Marita, Lina.

Marcos, despois de rechazar a fuxida a Francia con Francisco Rey Balbís, Moncho, continuou unha vida de guerrilleiro solitario ata que no primeiro semestre de 1951 mátao a Garda Civil, xunto co delegado por Vigo (Pontevedra) no Comité Rexional do PCE, Valentín Fernández González, Víctor, en Cesuras.

Soterrárono nunha fosa común no cemiterio de Filgueira de Barranca.

Bernardo Máiz dao por morto nun enfrontamento en León, no segundo semestre de 1951.