Martínez Vez, Hipólito

Mecánico e político, 46 anos. Veciño de Ferrol. Capataz de monturas a flote nos estaleiros.

Concelleiro de Ferrol en 1931 polo Parido Republicano Radical (PRR), no 1932 pola Organización Republicana Galega Autónoma (ORGA) e en 1935 por Esquerda Republicana (ER). Volveu ser concelleiro nas municipais de 1936, tamén por ER e nomeárono 1º tenente de alcalde.

Hipólito, que fora concelleiro nas corporacións do alcalde Jaime Quintanilla Martínez entre 1931 e 1934, tivo entre outros compañeiros a: Edmundo Lorenzo Santiago, exiliado; Federico Pérez Lago, encarcerado; Manuel Morgado González del Valle, executado; Antonio Santamaría López, exiliado; Fermín-Andrés Mejuto Fernández, procesado; Tomás Serantes Liz, exiliado; Ventura Dios Lojo, encarcerado; Francisco del Río Barros, encarcerado; Adolfo Rodríguez Sánchez, encarcerado; Luciano Cereijo Rodríguez, procesado.

Con todos eles coincidiu na corporación de 1936, agás con Edmundo Lorenzo, Tomás Serantes e Luciano Cereijo. Si estaba entón José López Bouza de ER. A alcaldía correspondía por entón a Antonio Santamaría López, cando se produce o golpe militar.

Procesado. Sancionado.

Detido polos fascistas.

Xulgado en consello de guerra en Ferrol polo delito de rebelión militar, na causa 1410/37, co resultado de sentenza de sobresemento provisorio.

Desterrárono a Betanzos (A Coruña) no outono de 1936.